Scribble

Bawat buhay na sa ati'y nakalaan

handog ng Diyos na makapangyarihan

kung kaya't ito'y dapat pahalagahan

nang suklian siya ng kaluwalhatian

Utang na buhay ay huwag mong bahiran

ng mabigat at mortal na kasalanan

sa halip ito'y iyong pakaingatan

upang makamtan buhay na walang hanggan

Huwag matakot na tumawag sa Diyos

sapagkat siya'y mapagmahal na lubos

sa mga taong sa kanya ay malapit

iyong makakamit ang dalanging sambit

Ang taong nawawalan na ng pag-asa

sa kabuhaya't pananampalataya

ay sinusubok lang ng ating Diyos ama

ang katatagan ng kanilang pag-samba

Yaong mga taong may itim na budhi

binibigyang pag-asang magbagong muli

kaya't 'wag mawawalan kahit konting sigla

nariyan lang siya ang tunay mong pag-asa